Stórkostleg gjöf

Stórkostleg gjöf frá Hringskonum í tilefni afmælis Barnaspítalans. Hringskonur eiga miklar þakkir skyldar fyrir baráttu þeirra fyrir barnaspítala á Íslandi og þeim árangri sem náðst hefur á því sviði með nýju húsnæði sem þær unnu ötullega að svo hægt væri að byggja Barnaspítalann.

Þrátt fyrir frábært starf Hringskvenna mættu þær endurskoða verðlag í matsölunni þeirra á Barnaspítalanum. Þar er maturinn óheyrilega dýr.

Barnaspítali Hringsins fær 50 milljón króna afmælisgjöf

Athugasemdir

[Andrea (IP-tala skráð) 19.6.2007 kl. 11:55]

Þetta er stórkostleg gjöf hjá Hringskonum.

Reyndar hef ég oft verslað við þær í matsölunni þegar ég hef verið með barnið mitt á spítalanum og þótt verðlagið sé kannski í hærri kantinum hjá þeim þá lít ég á að ég sé að styrkja þær með því að kaupa af þeim.  

Kv. Andrea. 

[Fjóla Æ., 19.6.2007 kl. 13:27]

Já vissulega er maður að styrkja þær en þetta er ansi fljótt að fara í mjög há upphæð ef þú þarft að borða þarna alla daga í langan tíma. Vissir þú að það er 5o kr. ódýrara að fara niður á BSÍ og kaupa hamborgara og hálfa líter kók en kaupa salatdisk og kókómjólk í matsölunni?

[palli (IP-tala skráð) 19.6.2007 kl. 13:37]

Glæsileg gjöf frá glæsilegum félagsskap.En varðandi matinn, þá er ég ekki sammála því að hann sé dýr. Mér finnst þetta mjög sanngjarnt verð.Eins má benda á gæðin í matsölunni. Allt svo ferskt og gott og beint úr eldhúsinu, Maður er að greiða fyrir gæðin. Eins fær maður þetta margfalt til baka þar sem þær eru svo duglegar að styrkja.