Ég er orðin ári eldri en í gær.

22.12.2008 | 00:46

Ég er orðin ári eldri en í gær.

Mér hafa borist kvartanir út af blogginu mínu. Ekki að það sé eitthvað óviðeigandi eða neitt svoleiðis heldur að það sé stórkostlegur skortur á færslum. Mér átti til dæmis að berast afmæliskveðja í gegnum bloggið en vegna tímamarka á athugasemdum var ekki unnt að gera það. Kveðjan barst því á annan hátt ásamt formlegri beiðni um úrbætur.

Annars er svo sem lítið að frétta af mér. Ég vinn og síðan hamast ég við að undirbúa jólin eins og líklega flestir aðrir landsmenn. Mér gengur það ljómandi vel. Jólatréð var skreytt áðan eftir að ég hafði skellt á það u.þ.b. 400 rauðum ljósum. Prinsessan á heimilinu valdi tréð sem er mjög fallegt og að venju óx það helling á þeim tíma sem það beið í bílskúrnum eftir að verða sett upp. Ég get svo svarið fyrir það að það var ekki svona stórt þegar við keyptum það. Ég er að hugsa um að leggja peningana mína inn í bílskúrinn. Þeir hljóta að vaxa líka þar líkt og jólatrén gera alltaf. Kannski verða þeir bara stærri og hver er hagurinn af því.

Jæja núna er ég búin að verða við beiðnunum og blogga og þangað til næst sem ég gæti miðað við undanfarið orðið ekki alveg strax ætla ég að óska ykkur bloggvinir góðir og einnig öllum öðrum þeim sem hingað villast Gleðilegra jóla og farsældar á komandi ári og megi það bera gæfu og lán í ykkar líf.

Flokkur: Bloggar | Facebook

Athugasemdir

Til hamingju með daginn

Mummi Guð, 22.12.2008 kl. 00:50

Til hamingju með daginn og gleðileg jól

Fríða K (IP-tala skráð) 22.12.2008 kl. 08:08

Til lukku með afmælið :)

Rannveig Lena Gísladóttir, 22.12.2008 kl. 08:23

Já Fjóla mín árin bætast á okkur eitt og eitt en ef allir litu jafn vel út og þú og hefðu þína útgeislun þá væri það draumur . til hamingju skvísa með daginn