Af hverju þarf alltaf eitthvað að standa hér?

Sit hérna alein og veit ekki alveg hvað ég á af mér að gera. Enginn Huginn til að sprella við. Er þó að bíða eftir að þurrkarinn verði búinn að þurrka rúmfötin svo ég geti brotið þau saman.

Síðustu dagar eru búnir að vera erfiðir en samt erum við búin að vera að reyna að gera okkur smá glaðan dag. Fórum til dæmis og sáum revíuna um Árnaborg, sem er hreint ágæt skemmtun. Þar sem það hefur staðið til síðan snemma þessa árs að skella sér til stórborgarinnar Lundúna á ákveðinn fótboltaleik, jebb ég er að fara á fótboltaleik, ákvað minn heittelskaði unnusti að hita aðeins upp í gær og reyna um leið að láta mig eitthvað og fórum við því brunandi í bæinn á pöbb þar sem samankomnir voru helstu aðdáendur stórliðsins til að sjá hvernig Idolin þeirra rúlluðu gamla liðinu hans Gauja Þórðar upp. Ég var hjartanlega boðin velkomin aftur á pöbbinn.  Næsti leikur verður þó fyrir okkur live. Hinir verða bara að vona að sjá grilla í okkur á skjánum. Verð að viðurkenna að ég er smá spennt fyrir leiknum og hef lofað að vera ofboðslega meðvirk á honum og þá verður hann skemmtilegur.

Nenni ekki að skrifa meira í bili enda kominn tími á rúmfötin. Þangað til næst elskið hvert annað.

Athugasemdir

[Alma Guðmundsdóttir og Freyja Haraldsdóttir, 8.4.2008 kl. 11:07]

Ég samhryggist þér innilega vegna fráfalls sonar þíns. Ég fylgdist aðeins með honum í gegnum síðuna hans - ég hreinlega get staðfest að hann var einn sá mesti sjarmör í bransanum.

Megi guð gefa ykkur styrk til að takast á við lífið án hans.

Hjartans kveðja,

Freyja

[Jónína Rós Guðmundsdóttir, 8.4.2008 kl. 11:57]

Takk fyrir athugasemdina Fjóla mín - það er frábært að vera amma - byrjaðu bara að hlakka til.

Frábært hjá þér að skella þér á fótboltaleik, það er örugglega skemmtilegt við hátíðleg tækifæri (skil samt ekki alveg þennan fótbolta!!)

Við í minni fjölskyldu hugsum til ykkar - vonum að minningarnar um litla baráttujaxlinn hjálpi til við græðlu sáranna - kíkið endilega við ef þið eruð á ferð um Héraðið.

[Ragnheiður , 8.4.2008 kl. 12:09]

Stórt knús til baka Fjóla mín

[Sara Finney Eggertsdóttir (IP-tala skráð) 8.4.2008 kl. 12:25]

Ég á ennþá erfitt með að trúa því að litli gullið sé ekki lengur hjá okkur en honum líður vel á nýjum stað hugsa til hans á hverjum degi og til ykkar

 Góða skemmtun í útlandinu, þið hafið bæði gott af því að breyta aðeins um umhverfi

Hittumst svo við fyrsta tækifæri

Kv Sara

[Guðbjörg Anna , 8.4.2008 kl. 13:50]

Ég tek undir með mömmu minni, við hugsum mikið til ykkar. Mér finnst vænt um það að hafa fengið að sjá Huginn þó ekki væri nema 2var sinnum í míflugumynd á barnaspítalanum. Vona innilega að góðar minningar um hann muni hjálpa ykkur í gegnum sorgina.

Bestu kveðjur

[Margrét Össurardóttir (IP-tala skráð) 8.4.2008 kl. 14:36]

Heyrðu Fjóla, ég fór fyrir rúmu ári á fótboltaleik í Englandi, til Manchester þar sem minn maður er forfallinn United maður, ég skemmti mér stórkostlega. Þetta er dálítil upplifun að fara á þessa stóru velli þarna úti og stemmningin er gríðarleg, þú átt eflaust eftir að skemmta þér vel og endilega ekki fá samviskubit þó þú skemmtir þér, þú átt það skilið.

Hjartans knús á ykkur

[Gísli Torfi, 8.4.2008 kl. 20:14]

Góða skemmtun á leiknum í London.. spái því að maðurinn þinn sé Arsenal maður :)

Megi góður Guð styrkja ykkur og umvefja ykkur af skilyrðislausu þakklæti og kærleik.

mbk G

[Fjóla Æ., 8.4.2008 kl. 20:19]

Minn maður er ekki Arsenal-maður. Hann fór þó á leik með þeim í haust. Það var reyndar fermingargjöf stráksins, hann er nefnilega Arsenal-maður. Síðan á ég strák sem er Poolari en unnustinn er hvorugt .

[Fríða K (IP-tala skráð) 8.4.2008 kl. 20:40]

Arsenal, það er ekki  nálægt því

[Guðríður Haraldsdóttir, 8.4.2008 kl. 20:46]

Mágur minn er formaður (held ég) West Ham aðdáendaklúbbsins hér á Skaganum, kannski víðar. Við erfðaprins ætlum með honum og systur minni á lokaleikinn um miðjan maí. Ég hef einu sinni farið á alvöruleik, sá var í Þýskalandi, Stuttgart gegn Glaðbökum (gladbach eitthvað), og það var mikil stemmning. Síðan eru liðin mörg ár en þráin eftir að fara á leik í enska boltanum hefur alltaf verið mikil og er loks að verða að veruleika. Þetta var hátíðleg og bara stórkostleg upplifun þarna í Þýskalandi Strákurinn í hópnum (blaðamannaferð) var áhugalaus um fótbolta en hann sagðist hafa skemmt sér frábærlega vel á leiknum og væri nú búinn að endurskoða álit sitt á fótbolta.

Hví er svo mikið leyndarmál hvaða liði unnustinn heldur með? Hehehhe ...

Risaknús í bæinn, elskan mín.

[Fríða K (IP-tala skráð) 8.4.2008 kl. 20:48]

Kannski ekkert leyndarmál, það þarfnast bara alltaf svo mikillar útskýringar á hvaða lið þetta er. Það þekki ég frá pabba.

[Brynja skordal, 10.4.2008 kl. 00:26]

Já þetta verður örugglega mikið upplifelsi að vera á svona stórum leikvelli gott hjá bóndanum að kynna þig fyrir þessu á pöbbanum fyrst bara sniðugt hafið ljúfa nótt

[Gísli Torfi, 10.4.2008 kl. 01:18]

ef Arsenal er ekki nálægt því og ég get mér þess til að liðið sé með aðstetur í London þá koma þessi lið til greina .

Tottenham,Chelsea,WestHam,FULHAM,CHARLTON,QPR,WATFORD,CRYSTAL PALACE

GÆTI VERIÐ EITTHVAÐ AF ÞEIM ( TOTTENHAM ER NÚ MEST SEXY AF ÞESSUM LIÐDUM ) HEHE

SJÁLFUR ER ÉG ELDHEITUR POOLARI ( FLOTTIR Í MEISTARADEIDINI ) 

[Addý formaður (IP-tala skráð) 10.4.2008 kl. 01:22]

Innilegar samúðarkveðjur til ykkar allra, Fjóla mín og takk fyrir lærdómsríkt spjall!

 Yfir að öðru....leikurinn verður nú kannski ekki jafn spennandi og hjá Crew Alexander eða Swindon Town en örugglega samt alveg massa skemmtilegur. 

Gangi ykkur allt í haginn í ferðinni og bestu óskir um góða skemmtun.   

[Gísli Torfi, 10.4.2008 kl. 01:29]

Jebb fattaði það núna hvaða lið þetta er

Crystal Palace  ( flott nafn )

Hemmi Hreiðars lék nú einu sinni með þeim. 

[Gelgjan :) (IP-tala skráð) 10.4.2008 kl. 11:17]

skemmtið ykkur æðislega vel úti elskurnar ;*

[Brynja skordal, 11.4.2008 kl. 11:48]

Hafið ljúfa helgi Elskuleg