Aðkomuveður, stóð og stuð.

Alveg ótrúleg þessi aðkomuveður sem hafa gengið yfir hérna undanfarið og ekki er lát á að svo stöddu. Trén eru farin að missa laufið, blómin fokin út í veður og vind ásamt einhverjum lausamunum sem fólk gleymdi að taka inn áður en aðkomuveðrin mættu í bæinn. Vona að fólk hirði draslið áður en það skemmir eitthvað í næsta aðkomustormi. 

Það hefur verið mikið að gerast hjá mér undanfarna daga. Til að byrja með leið Ljósanóttin hjá með glæsibrag að venju og hlakka ég mikið til þeirrar næstu. Síðan fórum við fjölskyldan norður í sveitina í stóðréttirnar þar var margt um manninn og hrossin voru heldur ekki ófá. Þar hitti ég margt fólk sem ég hef ekki hitt í mörg ár enda hef ég ekki verið daglegur gestur norðan heiða síðustu ár og var frábært að hitta allt þetta fólk.

Eftir stóðréttarhelgina tók ég stórt skref og fór að vinna utan heimilis. Það er í sjálfu sér ekki merkilegt en þar sem ég hef verið utan vinnumarkaðs í 4 ár þá er þetta svolítið stórt skref og enn stærra fannst mér skrefið þegar ég ákvað starfsvettvanginn. Henti mér beint út í djúpu laugina. Viðurkenni að ég hafði mikinn hjartslátt og stóran hnút í maganum þegar ég gekk inn á gamla vinnustaðinn minn til að hefja þar aftur störf. Ég virðist þó enn kunna að synda, að minnsta kosti að troða marvaðann. Börnin eru ekki svo mikil skrímsli að ég þoli það ekki og hingað til hefur bara verið fínt að kenna grislingunum guðs ótta og góða siði.

Framundan er áfram töluvert á dagskrá hjá okkur hjónaleysunum og erum við markvisst að vinna að því að koma okkur aðeins út úr húsi og taka virkari þátt í samfélaginu. Þetta hefur ekki verið eins auðvelt fyrir okkur og það ætti kannski að vera. Vissulega er nægilegt framboð af alls konar afþreyingu og við eigum marga vini sem við getum sótt heim en það er mjög erfitt að hafa sig af stað. Við erum þó ofur bjartsýn á að okkur takist að aðlagast þessum nýja vinkli í lífi okkar.

Er hætt í bili og þangað til næst segi ég bara knúsist og kúrið.

Athugasemdir

[Sara Finney Eggertsdóttir (IP-tala skráð) 19.9.2008 kl. 14:18]

Til hamingju með þennan áfanga, eflaust svolítið skrítið að snúa til baka

En þú ert bara svo æðisleg í þessu starfi

Hafið það sem allra best

Knús

Sara frænka og fjölskylda

[Dísa Dóra, 19.9.2008 kl. 14:45]

Til hamingju með að vera komin aftur út á vinnumarkaðinn og vonandi mun það verða gæfuspor fyrir þig.

Hljómar vel að þið eruð markvisst að vinna í að komast aðeins út úr húsi.

Knús til þín

[Anita Björk Gunnarsdóttir, 20.9.2008 kl. 12:02]

knús á þig

[Ragnheiður , 20.9.2008 kl. 20:41]

Knús á þig og þína elskuleg

[Anna Lilja (IP-tala skráð) 23.9.2008 kl. 11:01]

Til hamingju með áfangan, hann er eins og allir verst að stíga fyrsta skrefið svo smá lagast það ;)