Föstudagurinn langi

Föstudagurinn langi er nú að kveldi kominn. Þegar ég var lítil stelpa þá var þetta einn sá leiðinlegasti og lengsti dagur ársins. Það var nákvæmlega ekkert að gerast og það mátti nákvæmlega ekkert gera. Þessi dagur var lengri en aðfangadagur sem var þó slatta langur. Enda maður búinn að bíða og bíða eftir því að jólin færu að koma og á aðfangadag eru þau alveg að koma. En þá var eitthvað til að hlakka til, sem gerði þann langa dag alltaf svo skemmtilegan. Það var ekki þannig með föstudaginn langa. Hann var bara langur og leiðinlegur.

Núna er þessi dagur ekki eins langur og leiðinlegur og hann var. Núna geri ég það sem mig langar til á föstudeginum langa og hlakka til að horfa á kvöldfréttir sjónvarpsstöðvanna. Og ég horfi spennt á báða fréttatímanna. Bara til þess að sjá alla klikkhausana á Filipseyjum ganga um götur með poka á hausnum, berjandi sjálfa sig með svipum, svo mikið að bök þeirra eru skorin næstum inn að beini. Líka til að sjá þá sem er enn klikkaðri og láta negla sig fasta á krossa sem síðan eru reistir upp svo allir geti séð hvað þeir eru klikkaðir. Allt í nafni trúarinnar og til að fá syndaaflausn fyrir framdar syndir liðins árs. Hvað gerðu þessir menn eiginlega af sér til að finnast þeir verðskulda slíka refsingu? Kaþólska kirkjan segir að þetta sé ekki svo skynsamleg gjörð hjá þessum klikkhausum en bannar hana þó ekki. Kannski finnst þeim þetta bara einstaklega gott framtak en geta almenningsálitsins vegna ekki sagt frá því. Kirkjan ráðleggur bara sótthreinsun á nöglum og svipuólum svo síður komi til alvarlegra sýkinga.  Mér finnst þetta bara vera klikkun.

Athugasemdir

[Evaa<3, 22.3.2008 kl. 00:20]

MAMMA, MAMMA, MAMMA, MAMMA, ÉG ER ORÐIN 17 ÁRA :D

[Gísli Torfi, 22.3.2008 kl. 00:25]

Hæ Fjóla ( finnst alltaf eins og nafnið þitt ætti alltaf að vera skrifað með fjólubláum lit ) ká sammála þér með að þessi dagur var lllllllllllaaaaaangur í denn en er ekki lengur.

Jesú dó á krossinum fyrir okkar syndir fyrir 2008 árum ... gæti sagt heila ritgerð um það en það nægir mér ásamt því að gera nokkra hluti í staðinn en ekki þetta sem var í sjónvarpinu.

Eigðu gleðilega páska og þín fjölskylda

[Margrét Össurardóttir (IP-tala skráð) 22.3.2008 kl. 11:47]

ahhh,, hva ég er sammlála þér um lengd þessa dags, jeminn, leiðinlegasti dagur á árinu. En ég átti einstaklega góðann dag í gær, leiddist ekki vitund , gleðilega páska honí

[Guðríður Haraldsdóttir, 22.3.2008 kl. 13:47]

Mikið er ég sammála þér, þetta var leiðinlegasti dagur ársins. Á eina sérstaka æskuminningu þar sem ég sat í sparifötunum og ég reyndi af alefli að láta mér líða illa ...  Ég er ekki alin upp á sérlega trúuðu heimili, bara svona venjulegu, en þetta var attitjúdið á þessum tíma. Minn langi dagur leið bara í leti og dásemd, enginn leiði. Nú er það bara laugardagurinn langi ... biðin eftir páskaegginu!

[Mummi Guð, 22.3.2008 kl. 16:15]

Minning mín um föstudaginn langa er ekki svona "leiðinleg" eins og ykkar. Ég fór nefnilega oft í keppnisferð með KFK á föstudeginum langa og var alltaf farið á Selfoss að keppa í fótbolta. Þannig að á meðan flestir á mínum aldri hundleiddist yfir þessum langa degi, þá var þetta oftast ævintýradagur fyrir mig og ekki var það verra að stoppa í Eden á leiðinni heim og var þá keypt gúrkur og tómatar fyrir múttu gömlu. Þegar heim var komið þá var oftast svo liðið á daginn að það var bara slappað af áður en það var farið í rúmið.