Hurðaskellir kom í nótt og viðbúnaður settur á hæsta styrk.

18.12.2007 | 14:03

Hurðaskellir kom í nótt og viðbúnaður settur á hæsta styrk.

Jólin eru handan við hornið en þau koma samt ekki án þess að staldra aðeins við á afmælinu mínu. Það eru víst bara 6 dagar þar til þau koma í hús. Undanfarna daga hef ég verið á fullu að undirbúa jólin. Fór í gær í bæinn til að kaupa gjöf handa unnustanum og er búin að pakka herlegheitunum inn í glitrandi pappír. Tók með mér tvö börn og þegar við komum heim stökk prinsessan upp í herbergi og sótti jólasokkinn sinn og kom með niður. Hún ætlaði sko ekki að láta Hurðaskelli vekja sig og til að vera alveg örugg þá hafði hún galopið inn í herbergi í alla nótt.

Annars gerðist eitt skemmtilegt í innkaupaferðinni í gær. Við vorum í Kringlunni að bíða í röð eftir því að geta keypt okkur að borða. Fyrir aftan okkur stóð kona sem var að tala í símann, hún sagði meðal annars að hún væri búin að kaupa allt nema að hún þyrfti að kaupa í skóinn fyrir strákinn sinn. Prinsessan mín hvíslaði því í eyrað á mér að þessi umræddi aumingja strákur væri svo mikið óþekkur. Mamma hans yrði að gefa honum í skóinn því að jólasveinninn gerði það ekki. Greinilegt hver gefur í skóinn á þessu heimili.

Eftir að hafa sent gríðarsterka hríðarstrauma yfir hafið upp á Skaga á laugardaginn varð ég ömmusystir í 3. sinn. Þar fæddist undurfögur ljóshærð prinsessa sem hefur fengið hið fallega nafn Katrín. Hlakka svo til að hitta dúlluna. Til hamingju elsku Pétur, Ríkey, Aron og Sindri.

Flokkur: Bloggar | Facebook

Athugasemdir

Æ það er nú gott að stelpan þín tók þessu svona með skóinn, annars ætti fólk að passa sig að tala ekki svona fyrir framan börn, ég vil að þau haldi sem lengst í trúnna á jólasveininn.

Til hamingju með litlu frænkuna!

Huld S. Ringsted, 19.12.2007 kl. 09:08

Til hamingju með litlu frænku

Anna Gísladóttir, 20.12.2007 kl. 04:30

Til lukku með nýju frænkuna

Rannveig Lena Gísladóttir, 20.12.2007 kl. 09:32

Þetta með jólasveininn í biðröðinni er dáldið fyndið

Margrét Össurardóttir (IP-tala skráð) 20.12.2007 kl. 21:04

Til hamingju með daginn .

Mummi Guð, 22.12.2007 kl. 00:10

Til hamingju með afmælið, elsku krúttmolinn minn! Voga mér að segja þetta þótt ég hafi aldrei hitt þig. Vona að þú eigir góðan dag og enn betri jól og líka fjölskylda þín. Knús yfir hafið.

Guðríður Hrefna Haraldsdóttir, 22.12.2007 kl. 00:37