Jesús Pétur Kiljan og hin heilaga jómfrú og aumingja ég

Núna er kominn 15. nóvember og jólin eru handan við hornið LoL eftir nákvæmlega 39 daga mun ég væntanlega sitja hér í sófanum og dást af gleði barnanna minna yfir jólagjöfunum sínum. Gleðin er ekkert minni þó þau séu sum orðin fullorðin og hin alveg að verða það. Ég hlakka líka til jólanna en um leið kvíður mig líka smá til þeirra. Ætla samt að reyna að láta gleðina hafa öll völd. Ætla að fara að henda upp nokkrum jólaseríum í gluggana og spila jólalög á fleiri hljóðfæri en símann minn. Skipti kannski um hringingu og skelli kannski "hæ hó jibby jei, það er kominn 17. júní" í símann. Alveg glatað að hafa eins hringingu og allir aðrir. En.. Kannski ég haldi mig bara við jólalagið mitt þar sem ég þoli illa breytingar amk. sumar.

Annars er ég hrikalega kvíðinn þessa dagana. Gullrassinn minn verður 4 ára á þriðjudaginn, 18. nóvember.  Ég hef ekki hugmynd um hvernig sá dagur verður fyrir mig og fjölskylduna mína því við höfum aldrei prófað svona afmælisdag Crying. Hann verður okkur vonandi þó góður.  Planið er að halda aðeins upp á daginn um næstu helgi.

Við erum að dunda okkur núna við að gera lúllið hans Hugins viðkunnalegra. Kirkjugarðurinn lítur hræðilega út og ég segi það satt að það er ekkert of gott að koma þangað núna. Þess vegna ákváðum við Mumminn minn að reyna að gera eitthvað sem fengi okkur til að líða betur þegar við komum í heimsókn til Gullrassins okkar.

Annars héldum við upp á dag íslenskrar tungu í leikskólanum í gær meðal annars með því að fara í heimsókn í heimaskólann okkar. Þar sungu börn af öðrum leikskóla lagið "snert hörpu mína" og ég get sagt ykkur það að ég beygði af. Ég hef svo oft hlustað á þetta lag síðan Huginn var jarðaður en í gær gerðist eitthvað. Sennilega það að það voru börn sem sungu en ég hef bara heyrt lagið flutt af fullorðnum.

Að lokum ætla ég að vitna í dagbókina mína góðu segir fyrir vikuna 16.-22. nóvember "Foreldrar- munið að allt sem börnin gefa ykkur er fallegt" og verð ég að segja að það er BARA rétt.


« Síðasta færsla | Næsta færsla »

Athugasemdir

1 Smámynd: Ragnheiður

Æ já þið eruð að fara að upplifa fyrsta afmælisdaginn hans eftir að hann kvaddi, ég er á öðrum afmælisdegi á morgun. Það var einmitt þessi dagsetning sem leiddi mig til Hugins ykkar á Barnalandi á sínum tíma en hversvegna ég var að skoða 18 en ekki 16 nóvember man ég ekki. Ég fylgist til dæmis alltaf með ungri stúlku sem á afmæli sama dag og ég og er bloggvinur móður hennar.

Garðurinn hjá Himma mínum er fínn, svolítið rask öðruhvoru enda er hann í nýjasta hlutanum. Nýjar grafir og svona. En hann er kominn með jólaljósakrossinn sinn enda dreif ég mig í að borga þann seðil um leið og ég fékk hann í hendurnar.

Nú er ég búin að skrifa ritgerð elsku Fjóla en í raun ætlaði ég bara að segja knús og segja að ég skildi þig svo vel

Ragnheiður , 15.11.2008 kl. 22:20

2 Smámynd: Mummi Guð

Ragnheiður. Ég hef oft hugsað til þín og haft gott af því að lesa skrifin þín, eins og til dæmis núna um jólakrossinn. Við höfum mikið talað um hvernig Lúllið yrði um jólin, en því miður er litlar upplýsingar að fá frá kirkjugarðinum. Maður þarf að leita eftir öllum upplýsingum, það er hvergi neinsstaðar hægt að lesa um kirkjugarðsreglurnar hérna. Mér finnst það svo furðuegt, það er eins og yfirmenn kirkjugarðanna haldi að allir hafi reynslu af því hvernig kirkjugarðar starfa.

Mummi Guð, 15.11.2008 kl. 23:00

3 Smámynd: Gerða Kristjáns

Ég kem til með að hugsa til ykkar á afmælisdegi Hugins, án efa.  Sá dagur er líka sérstakur að því leytinu að þá kvaddi annar engill, hann Cole.

 Það var gott að sjá ykkur í haust og fá að knúsa aðeins......hugsa til ykkar oftar en þið vitið

Gerða Kristjáns, 16.11.2008 kl. 18:22

4 identicon

Risaknús yfir hafið.

Gurrí (IP-tala skráð) 17.11.2008 kl. 23:04

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Þegar kviknar á deginum

Höfundur

Fjóla Æ.
Fjóla Æ.

Lífið er stundum erfitt en í samanburði við hvað?

Bloggarar

Topplistinn

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband